அகப்பேய்ச் சித்தர் பாடல் (Part 3/3) / Agapai Siddhar Song

அகப்பேய்ச் சித்தர் பாடல் - (Part 3/3)

Agapai Siddhar Song - (Part 3/3)

அகப்பேய்ச் சித்தர் பாடல் (Part 1/3)

அகப்பேய்ச் சித்தர் பாடல் (Part 2/3)

வாசியிலே றியதடி .....அகப்பேய்

வான் பொருள் தேடாயோ

வாசியில் ஏறினாலும் .....அகப்பேய்

வாராது சொன்னேனே. 61

1008 சித்தர்கள் வரலாறு மற்றும் ஜீவ சமாதிகள்

சித்தர் மந்திரங்கள் மற்றும் பாடல்கள்

ஆன்மீக கதைகள், தகவல்கள் மற்றும் கோவில்கள்

தூராதி தூரமடி .....அகப்பேய்

தூரமும் இல்லையடி

பாராமற் பாரடியோ .....அகப்பேய்

பாழ்வினைத் தீரவென்றால். 62

உண்டாக்கிக் கொண்டதல்ல .....அகப்பேய்

உள்ளது சொன்னேனே

கண்டார்கள் சொல்வாரோ .....அகப்பேய்

கற்வனை அற்றதடி. 63

நாலு மறைகாணா .....அகப்பேய்

நாதனை யார் காண்பார்

நாலு மறை முடிவில் .....அகப்பேய்

நற்குரு பாதமடி. 64

மூலம் இல்லையடி .....அகப்பேய்

முப்பொருள் இல்லையடி

மூலம் உண்டானால் .....அகப்பேய்

முத்தியும் உண்டாமே. 65

இந்திர சாலமடி .....அகப்பேய்

எண்பத்தொரு பதமும்

மந்திரம் அப்படியே .....அகப்பேய்

வாயைத் திறவாதே. 66

பாழாக வேணுமென்றால் .....அகப்பேய்

பார்த்ததை நம்பாதே

கேளாமற் சொன்னேனே .....அகப்பேய்

கேள்வியும் இல்லையடி. 67

சாதி பேதமில்லை .....அகப்பேய்

தானாகி நின்றவர்க்கே

ஓதி உணர்ந்தாலும் .....அகப்பேய்

ஒன்றுந்தான் இல்லையடி. 68

சூழ வானமடி .....அகப்பேய்

சுற்றி மரக்காவில்

வேழம் உண்டகனி .....அகப்பேய்

மெய்யது கண்டாயே. 69

தானும் இல்லையடி .....அகப்பேய்

நாதனும் இல்லையடி

தானும் இல்லையடி .....அகப்பேய்

சற்குரு இல்லையடி. 70

மந்திரம் இல்லையடி .....அகப்பேய்

வாதனை இல்லையடி

தந்திரம் இல்லையடி .....அகப்பேய்

சமயம் அழிந்ததடி. 71

பூசை பசாசமடி .....அகப்பேய்

போதமே கோட்டமடி

ஈசன் மாயையடி .....அகப்பேய்

எல்லாமும் இப்படியே. 72

சொல்ல லாகாதே .....அகப்பேய்

சொன்னாலும் தோடமடி

இல்லை இல்லையடி .....அகப்பேய்

ஏகாந்தங் கண்டாயே. 73

தத்துவத் தெய்வமடி .....அகப்பேய்

சதாசிவ மானதடி

மற்றுள்ள தெய்வமெல்லாம் .....அகப்பேய்

மாயை வடிவாமே. 74

வார்த்தை அல்லவடி .....அகப்பேய்

வாசா மகோசரத்தே

ஏற்ற தல்லவடி .....அகப்பேய்

என்னுடன் வந்ததல்ல. 75

சாத்திரம் இல்லையடி .....அகப்பேய்

சலனங் கடந்ததடி

பார்த்திடல் ஆகாதே .....அகப்பேய்

பாவனைக் கெட்டாதே. 76

என்ன படித்தால்என் .....அகப்பேய்

ஏதுதான் செய்தால்என்

சொன்ன விதங்களெல்லாம் .....அகப்பேய்

சுட்டது கண்டாயே. 77

தன்னை அறியவேணும் .....அகப்பேய்

சாராமற் சாரவேணும்

பின்னை அறிவதெல்லாம் .....அகப்பேய்

பேயறி வாகுமடி. 78

பிச்சை எடுத்தாலும் .....அகப்பேய்

பிறவி தொலையாதே

இச்சை அற்றவிடம் .....அகப்பேய்

எம்இறை கண்டாயே. 79

கோலம் ஆகாதே .....அகப்பேய்

குதர்க்கம் ஆகாதே

சாலம் ஆகாதே .....அகப்பேய்

சஞ்சலம் ஆகாதே. 80

ஒப்பனை அல்லவடி .....அகப்பேய்

உன்ஆணை சொன்னேனே

அப்புடன் உப்பெனவே .....அகப்பேய்

ஆராய்ந்து இருப்பாயே. 81

மோட்சம் வேண்டார்கள் .....அகப்பேய்

முத்தியும் வேண்டார்கள்

தீட்சை வேண்டார்கள் .....அகப்பேய்

சின்மய மானவர்கள். 82

பாலன் பிசாசமடி .....அகப்பேய்

பார்த்தக்கால் பித்தனடி

கால மூன்றுமல்ல .....அகப்பேய்

காரியம் அல்லவடி. 83

கண்டதும் இல்லையடி .....அகப்பேய்

கண்டவர் உண்டானால்

உண்டது வேண்டடியோ .....அகப்பேய்

உன்ஆணை சொன்னேனே 84

அஞ்சயும் உண்ணாதே .....அகப்பேய்

ஆசையும் வேண்டாதே

நெஞ்சையும் விட்டுவிடு .....அகப்பேய்

நிட்டையில் சேராதே. 85

நாதாந்த உண்மையிலே .....அகப்பேய்

நாடாதே சொன்னேனே

மீதான சூதானம் .....அகப்பேய்

மெய்யென்று நம்பாதே. 86

ஒன்றோடு ஒன்றுகூடில் .....அகப்பேய்

ஒன்றுங் கெடுங்காணே

நின்ற பரசிவமும் .....அகப்பேய்

நில்லாது கண்டாயே. 87

தோன்றும் வினைகளெல்லாம் .....அகப்பேய்

சூனியங் கண்டாயே

தோன்றாமல் தோன்றிவிடும் .....அகப்பேய்

சுத்த வெளிதனிலே. 88

பொய்யென்று சொல்லாதே .....அகப்பேய்

போக்கு வரத்துதானே

மெய்யென்று சொன்னக்கால் .....அகப்பேய்

வீடு பெறலாமே. 89

வேதம் ஓதாதே .....அகப்பேய்

மெய்கண்டோ ம் என்னாதே

பாதம் நம்பாதே .....அகப்பேய்

பாவித்துப் பாராதே. 90

அகப்பேய்ச் சித்தர் பாடல் (Part 1/3)

அகப்பேய்ச் சித்தர் பாடல் (Part 2/3)

1008 சித்தர்கள் வரலாறு மற்றும் ஜீவ சமாதிகள்

சித்தர் மந்திரங்கள் மற்றும் பாடல்கள்

ஆன்மீக கதைகள், தகவல்கள் மற்றும் கோவில்கள்

siddhar songs , siddhar padal varigal , siddhar lyrics in tamil , siddhar lyrics , 18 siddhar songs , 18 siddhar songs tamil , siddhar songs lyrics tamil , agapai siddhar songs , agapai siddhar lyrics tamil , siddhar agapai songs ,